ماهو الفرق بين G ,2G,3Gما هي انواع الانترنيت,4G,Lite

ﺩﺍﺋﻤﺎ ﻣﻠﻲ ﻛﻨﻜﻮﻧﻮ ﺧﺪﺍﻣﻴﻦ ﺑﺎﻹﻧﺘﺮﻧﻴﺖ ﻓﺎﻟﺘﻠﻴﻔﻮﻥ ﺩﻳﺎﻟﻨﺎ ﻛﻨﺸﻮﻓﻮ ﺭﻣﻮﺯ ﻟﻔﻮﻕ ﻓﺤﺎﻝ : 3G ، H ، H+ ، E ، LTE ، ﺇﻟﺦ ... ﻭﺑﻌﺾ ﺍﻟﻤﺮﺍﺕ ﻛﻨﺘﺴﺎﺀﻟﻮ ﺷﻨﻮ ﻛﻴﻌﻨﻴﻮ ﺩﻭﻙ ﺍﻟﺮﻣﻮﺯ .
ﺃﻭﻻً ﺧﺎﺻﻨﺎ ﻧﻌﺮﻓﻮ ﺑﻠﻲ ﺍﻟﺸﺒﻜﺎﺕ ﺍﻟﺨﻠﻴﻮﻳﺔ Cellular Networks ﻇﻬﺮﺕ ﻓﺎﻟﺜﻤﺎﻧﻴﻨﺎﺕ ﻭﺍﻟﻠﻲ ﻣﻦ ﺧﻼﻟﻬﺎ ﺍﻷﺟﻬﺰﺓ ﺍﻟﻤﺤﻤﻮﻟﺔ ‏( ﻣﺜﻼً : ﺍﻟﻬﺎﺗﻒ ﺍﻟﻨﻘﺎﻝ ‏) ﻛﺘﻘﺪﺭ ﺗﻮﺍﺻﻞ ﺑﻴﻨﺎﺗﻬﺎ ﻭﻛﺬﻟﻚ ﻣﻊ ﺍﻟﺸﺒﻜﺎﺕ ﺍﻷﺧﺮﻯ ﻓﺤﺎﻝ ﺷﺒﻜﺔ ﺍﻹﻧﺘﺮﻧﻴﺖ .
- ﺍﻟﺠﻴﻞ ﺍﻷﻭﻝ ﻣﻦ ﻫﺎﺩ ﺍﻟﺸﺒﻜﺎﺕ First Generation (1G ‏) ﻇﻬﺮ ﻓـ 1980 ﻭﺍﻟﻠﻲ ﻛﺎﻥ ﻛﻴﻌﺘﻤﺪ ﻋﻠﻰ ﺍﻟﻨﻈﺎﻡ ﺍﻟﺘﻨﺎﻇﺮﻱ Analog system ﺑﺤﻴﺚ ﻛﺎﻥ ﻛﻴﺴﻤﺤﻠﻴﻨﺎ ﻧﻘﻮﻣﻮ ﺑﺎﻟﻤﻜﺎﻟﻤﺎﺕ ﺍﻟﺼﻮﺗﻴﺔ ﻓﻘﻂ ﻻ ﻏﻴﺮ .
- ﻣﻦ ﺑﻌﺪ ﻇﻬﺮ ﺍﻟﺠﻴﻞ ﺍﻟﺜﺎﻧﻲ ﻣﻦ ﻫﺎﺩ ﺍﻟﺸﺒﻜﺎﺕ Second Generation (2G ‏) ﻓـ 1991 ﻭﺍﻟﻠﻲ ﻛﺎﻥ ﻛﻴﻌﺘﻤﺪ ﻋﻠﻰ ﺍﻟﻨﻈﺎﻡ ﺍﻟﺮﻗﻤﻲ ﻭﺍﻟﻠﻲ ﻛﻴﺴﺘﻌﻤﻞ ﻣﻌﺎﻳﻴﺮ ﺍﻟـ GSM (Global System for Mobile Communications) ﻋﻜﺲ ﺍﻟﺠﻴﻞ ﺍﻷﻭﻝ . ﻭﻫﻨﺎ ﺑﺎﻹﺿﺎﻓﺔ ﻟﻠﻤﻜﺎﻟﻤﺎﺕ ﺍﻟﺼﻮﺗﻴﺔ ﺭﺟﻌﻨﺎ ﻛﻨﻘﺪﺭﻭ ﻧﺼﻴﻔﻄﻮ ﺍﻟﺮﺳﺎﺋﻞ ﺍﻟﻨﺼﻴﺔ ﺍﻟﻘﺼﻴﺮﺓ SMS ﻭ ﺭﺳﺎﺋﻞ ﺍﻟﻮﺳﺎﺋﻂ ﺍﻟﻤﺘﻌﺪﺩﺓ .MMS
ﻭﻫﻨﺎ ﻏﻨﻌﺮﻓﻮ ﺗﻄﻮﺭ ﺍﻟﺠﻴﻞ ﺍﻟﺜﺎﻧﻲ ﻣﻊ ﻇﻬﻮﺭ ﺗﻘﻨﻴﺔ ﺍﻟـ GPRS ﺍﻟﻠﻲ ﺧﻼﺗﻨﺎ ﻧﺒﺪﺍﻭ ﻧﺘﺼﻠﻮ ﺑﺎﻹﻧﺘﺮﻧﻴﺖ ﺑﺴﺮﻋﺔ ﺟﺪ ﻣﺤﺪﻭﺩﺓ ﻛﺘﺮﺍﻭﺡ ﺑﻴﻦ 56 Kb/s ﻭ 114 Kb/s . ﻫﺎﺩ ﺍﻟﻤﺮﺣﻠﺔ ﻧﻘﺪﺭﻭ ﻧﻮﺻﻔﻮﻫﺎ ﻋﻠﻰ ﺃﻧﻬﺎ 2.5G ﺃﻱ ﺍﻟﺠﻴﻞ ﻣﺎ ﺑﻴﻦ ﺍﻟﺜﺎﻧﻲ ﻭﺍﻟﺜﺎﻟﺚ .
ﻣﻦ ﺑﻌﺪ ، ﺍﻟﺠﻴﻞ ﺍﻟﺜﺎﻧﻲ ﺯﺍﺩ ﺗﻄﻮﺭ ﻭﻇﻬﺮﺕ ﺗﻘﻨﻴﺔ ﺃﺧﺮﻯ ﺍﻟﻠﻲ ﺍﻻﺧﺘﺼﺎﺭ ﺩﻳﺎﻟﻬﺎ EDGE ﻭ ﺍﻟﺮﻣﺰ ﺩﻳﺎﻟﻬﺎ ﻫﻮ ﺣﺮﻑ E ﻭﺍﻟﻠﻲ ﻣﻦ ﺧﻼﻟﻬﺎ ﺑﺎﻹﺿﺎﻓﺔ ﻟﻠﺨﺪﻣﺎﺕ ﺍﻷﺧﺮﻯ ﺍﻟﻠﻲ ﻛﺎﻧﺖ ﻗﺒﻞ ﺭﺟﻌﻨﺎ ﻛﻨﻘﺪﺭﻭ ﻧﺘﺼﻔﺤﻮ ﺍﻹﻧﺘﺮﻧﻴﺖ ﺑﺴﺮﻋﺔ ﺗﺼﻞ ﻟـ 400 Kb/s . ﻫﺎﺩ ﺍﻟﻤﺮﺣﻠﺔ ﻧﻘﺪﺭﻭ ﻧﻮﺻﻔﻮﻫﺎ ﻋﻠﻰ ﺃﻧﻬﺎ ﺃﻗﺮﺏ ﻟﻠﺠﻴﻞ ﺍﻟﺜﺎﻟﺚ ﺑﻤﻌﻨﻰ 2.75G .
- ﻓﻲ ﺍﻟﻤﻘﺎﺑﻞ ﻓـ 2001 ﻇﻬﺮ ﺍﻟﺠﻴﻞ ﺍﻟﺜﺎﻟﺚ ﻣﻦ ﻫﺎﺩ ﺍﻟﺸﺒﻜﺎﺕ Third Generation (3G ‏) . ﻭﺍﻟﻠﻲ ﻣﻦ ﺧﻼﻟﻮ ﺷﺮﻛﺎﺕ ﺍﻻﺗﺼﺎﻝ ﻛﺎﻥ ﺧﺎﺻﻬﺎ ﺗﺒﻨﻲ ﺃﺑﺮﺍﺝ ﺟﺪﻳﺪﺓ ﺑﺎﺵ ﺗﺴﺘﻘﺒﻞ ﻫﺎﺩ ﺍﻟﻨﻮﻉ ﻣﻦ ﺍﻟﻤﻮﺟﺎﺕ ﻷﻥ ﻫﺎﺩ ﺍﻟﺠﻴﻞ ﻛﻴﻌﺘﻤﺪ ﻋﻠﻰ ﻣﻌﺎﻳﻴﺮ ﺍﻟـ UMTS ﻋﻜﺲ ﺍﻟﺠﻴﻞ ﺍﻟﺜﺎﻧﻲ ﺍﻟﻠﻲ ﻛﺎﻥ ﻛﻴﻌﺘﻤﺪ ﻋﻠﻰ ﻣﻌﺎﻳﻴﺮ ﺍﻟـ .GSM ﻣﻦ ﺃﻫﻢ ﻣﻤﻴﺰﺍﺕ ﺍﻟﺠﻴﻞ ﺍﻟﺜﺎﻟﺚ ﺃﻧﻪ ﺭﺟﻌﻨﺎ ﻛﻨﻘﺪﺭﻭ ﻧﺘﺼﻔﺤﻮ ﺍﻹﻧﺘﺮﻧﻴﺖ ﺑﺴﺮﻋﺔ ﺃﻛﺒﺮ ﻛﺘﻮﺻﻞ ﻟـ 2 Mb/s ، ﺇﺟﺮﺍﺀ ﺍﻟﻤﻜﺎﻟﻤﺎﺕ ﺑﺎﻟﻔﻴﺪﻳﻮ، ﺇﻣﻜﺎﻧﻴﺔ ﺍﺳﺘﺨﺪﺍﻡ ﺗﻘﻨﻴﺔ GPS ، ﺇﻟﺦ ...
ﻛﺬﻟﻚ ﺍﻟﺠﻴﻞ ﺍﻟﺜﺎﻟﺚ ﺗﻄﻮﺭ ﻭﻇﻬﺮﺕ ﺗﻘﻨﻴﺔ ﺟﺪﻳﺪﺓ ﺍﻟﻠﻲ ﺍﻻﺧﺘﺼﺎﺭ ﺩﻳﺎﻟﻬﺎ HSPA ﻭﺍﻟﻠﻲ ﺍﻟﺮﻣﺰ ﺩﻳﺎﻟﻬﺎ ﻫﻮ H ﻭﺍﻟﻠﻲ ﻧﻘﺪﺭﻭ ﻧﻮﺻﻔﻮﻫﺎ ﺑـ 3.5G ﺃﻭ 3G + .. ﻣﻦ ﺑﻌﺪ ﺗﻄﻮﺭﺕ ﻫﺎﺩ ﺍﻟﺘﻘﻨﻴﺔ ﻭﺭﺟﻌﺎﺕ ﻛﺘﺴﻤﻰ +HSPA ﻭﺍﻟﻠﻲ ﺍﻟﺮﻣﺰ ﺩﻳﺎﻟﻬﺎ ﻫﻮ +H ﺍﻟﻠﻲ ﻧﻘﺪﺭﻭ ﻧﻌﺘﺎﺑﺮﻭﻫﺎ 3.7G ﺃﻭ 3G .++ ﻣﻦ ﺃﻫﻢ ﺍﻟﻔﺮﻭﻗﺎﺕ ﺍﻟﻠﻲ ﻛﺎﻳﻨﻴﻦ ﺑﻴﻦ ﻫﺎﺩ ﺍﻟﺘﻘﻨﻴﺎﺕ ﻫﻮ ﺍﻟﺰﻳﺎﺩﺓ ﻓﺴﺮﻋﺔ ﺇﺭﺳﺎﻝ ﻭﺍﺳﺘﻘﺒﺎﻝ ﺍﻟﺒﻴﺎﻧﺎﺕ .
- ﺃﻣﺎ ﺍﻟﺠﻴﻞ ﺍﻟﺮﺍﺑﻊ Fourth Generation (4G ‏) ﻇﻬﺮ ﻓـ 2008 ﺍﻟﻠﻲ ﻭﺿﻊ ﺍﻟﻤﻌﺎﻳﻴﺮ ﺩﻳﺎﻟﻮ ﺍﻻﺗﺤﺎﺩ ﺍﻟﻌﺎﻟﻤﻲ ﻟﻼﺗﺼﺎﻻﺕ International Telecommunication Union (ITU ‏) . ﻭﺍﻟﻠﻲ ﻣﻦ ﺑﻴﻦ ﻫﺎﺩ ﺍﻟﻤﻌﺎﻳﻴﺮ ﺃﻥ ﺍﻟﺘﻘﻨﻴﺔ ﺍﻟﻤﺴﺘﻌﻤﻠﺔ ﻓﺸﺒﻜﺔ ﺍﻟـ 4G ﺧﺎﺹ ﺗﻮﺻﻞ ﻟـ 1 Gb/s ﻓﺴﺮﻋﺔ ﺍﻟﺘﺤﻤﻴﻞ ﻭ 500 Mb/s ﻓﺴﺮﻋﺔ ﺍﻟﺮﻓﻊ .
ﻟﻜﻦ ﺑﻤﺎ ﺃﻥ ﺍﻟﻌﺘﺎﺩ ﻭﺍﻟﺘﻜﻨﻮﻟﻮﺟﻴﺎ ﺍﻟﻠﻲ ﻛﺎﻧﺖ ﻓﺪﻳﻚ ﺍﻟﻮﻗﺖ ﻣﻜﺘﺴﻤﺤﺶ ﺃﻧﻨﺎ ﻧﻮﺻﻠﻮ ﻟﻬﺎﺩ ﺍﻟﻤﻌﺎﻳﻴﺮ ، ﻭﻣﻊ ﻇﻬﻮﺭ ﺗﻘﻨﻴﺔ ﺍﻟـ LTE (Long Term Evolution ‏) ﻭﺍﻟﻠﻲ ﺍﻟﻤﻌﺎﻳﻴﺮ ﺩﻳﺎﻟﻬﺎ ﻛﺎﻧﺖ ﺃﻗﻞ ﻣﻦ ﺍﻟﻤﻌﺎﻳﻴﺮ ﺍﻟﺤﻘﻴﻘﻴﺔ ﺍﻟﻠﻲ ﺧﺎﺹ ﺗﻜﻮﻥ ﻓﺎﻟـ 4G ﺑﺤﻴﺚ ﻛﺘﻌﺘﺒﺮ ﻗﺮﻳﺒﺔ ﻓﻘﻂ ﻣﻦ ﺍﻟﺠﻴﻞ ﺍﻟﺮﺍﺑﻊ ﺑﻤﻌﻨﻰ 3.9G ، ﻣﻊ ﺫﻟﻚ ﺷﺮﻛﺎﺕ ﺍﻻﺗﺼﺎﻝ ﺑﺪﺍﺕ ﻛﺘﺴﻮﻕ ﻟﻬﺎﺩ ﺍﻟﺘﻘﻨﻴﺔ ﻋﻠﻰ ﺃﻧﻬﺎ ﻓﻌﻼً 4G ﺍﻟﺤﻘﻴﻘﻴﺔ . ﻣﻦ ﺑﻌﺪ ﺗﺪﺧﻞ ﺍﻻﺗﺤﺎﺩ ﺍﻟﻌﺎﻟﻤﻲ ﻟﻼﺗﺼﺎﻻﺕ ﻭﺳﻤﺢ ﻟﺸﺮﻛﺎﺕ ﺍﻻﺗﺼﺎﻝ ﻋﻠﻰ ﺃﻧﻬﻢ ﻳﺴﻮﻗﻮ ﻟﻬﺎﺩ ﺍﻟﺘﻘﻨﻴﺔ ﻋﻠﻰ ﺃﻧﻬﺎ 4G ﻭﺍﺧﺎ ﻣﻜﺘﺴﺘﻮﻓﻴﺶ ﺍﻟﻤﻌﺎﻳﻴﺮ ﻛﺎﻣﻠﺔ ، ﺣﻴﺖ ﻫﺎﺩ ﺍﻟﺘﻘﻨﻴﺔ ﻛﺘﻌﺘﺒﺮ ﺗﻄﻮﺭ ﻣﻠﺤﻮﻅ ﻣﻘﺎﺭﻧﺔ ﻣﻊ ﺍﻟﺘﻘﻨﻴﺎﺕ ﺍﻷﺧﺮﻯ ﺍﻟﻠﻲ ﻛﺘﻌﺘﻤﺪ ﻋﻠﻰ ﺍﻟﺠﻴﻞ ﺍﻟﺜﺎﻟﺚ .
ﻟﻜﻦ ﻓـ 2009 ﻣﻨﻈﻤﺔ 3GPP (3rd Generation Partnership Project ‏) ﻗﺪﻣﺎﺕ ﻣﻌﺎﻳﻴﺮ ﺩﻳﺎﻝ ﺗﻘﻨﻴﺔ ﺟﺪﻳﺪﺓ ﺳﻤﻴﺘﻬﺎ LTE-Advanced ﺍﻟﻠﻲ ﻛﺘﻌﺘﺒﺮ ﻓﻌﻼً ﺷﺒﻜﺔ 4G ﺣﻴﺖ ﺍﻟﻤﻌﺎﻳﻴﺮ ﺩﻳﺎﻟﻬﺎ ﻛﺎﻧﻮ ﻛﻴﻮﺍﻓﻘﻮ ﺍﻟﻤﻌﺎﻳﻴﺮ ﺍﻟﻠﻲ ﺧﺎﺻﻬﻮﻡ ﻳﻜﻮﻧﻮ ﻓﺸﺒﻜﺎﺕ ﺍﻟـ 4G ﺍﻟﺤﻘﻴﻘﺔ . ﻟﻺﺷﺎﺭﺓ ﻫﺎﺩ ﺍﻟﺘﻘﻨﻴﺔ ﻓﺎﻟﺴﻮﻕ ﻛﺘﺤﻤﻞ ﺍﺳﻢ 4G .+
ﻣﻦ ﺃﻫﻢ ﻣﻤﻴﺰﺍﺕ ﺷﺒﻜﺎﺕ ﺍﻟﺠﻴﻞ ﺍﻟﺮﺍﺑﻊ ﺃﻧﻬﺎ ﺳﺮﻳﻌﺔ ﺑﺰﺍﻑ ﻣﻘﺎﺭﻧﺔ ﻣﻊ ﺷﺒﻜﺎﺕ ﺍﻟﺠﻴﻞ ﺍﻟﺜﺎﻟﺚ . ﻣﺜﻼً ﺗﻘﺪﺭ ﺗﻔﺮﺝ ﻓﻴﺪﻳﻮ ﺑﺪﻗﺔ 1080p ﺑﻼ ﻣﺎ ﻳﺘﻘﻄﻊ .
ﻟﻺﺷﺎﺭﺓ ﻓﺎﻟﻤﻨﻈﻤﺎﺕ ﺍﻟﻤﺨﺘﺼﺔ ﻛﺘﻘﻮﻡ ﺣﺎﻟﻴﺎً ﺑﺈﺟﺮﺍﺀ ﺗﺠﺎﺭﺏ ﻋﻠﻰ ﺷﺒﻜﺎﺕ ﺍﻟﺠﻴﻞ ﺍﻟﺨﺎﻣﺲ Fifth Generation (5G ‏) ﺍﻟﻠﻲ ﺗﻘﺪﺭ ﺗﻮﺻﻞ ﺍﻟﺴﺮﻋﺔ ﺩﻳﺎﻟﻬﺎ 100 ﻣﺮﺓ ﺃﻛﺒﺮ ﻣﻦ 4G . ﻣﻊ ﺍﻟﻌﻠﻢ ﺃﻥ ﻣﻌﺎﻳﻴﺮ ﻫﺎﺩ ﺍﻟﺠﻴﻞ ﻣﻦ ﺍﻟﺸﺒﻜﺎﺕ ﺑﺎﻗﻲ ﻣﺎ ﺗﺤﺪﺩﺍﺕ ﺭﺳﻤﻴﺎً ، ﻣﻦ ﺍﻟﻤﺮﺗﻘﺐ ﺃﻥ ﻣﻨﻈﻤﺔ 3GPP ﻏﺎ ﺗﻘﺪﻡ ﻣﺘﻘﺮﺡ ﺍﻟﻤﻌﺎﻳﻴﺮ ﺩﻳﺎﻝ ﺍﻟﺠﻴﻞ ﺍﻟﺨﺎﻣﺲ ﻟﻼﺗﺤﺎﺩ ﺍﻟﻌﺎﻟﻤﻲ ﻟﻼﺗﺼﺎﻻﺕ ﻓﺄﻓﻖ 2020